Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Jemgyýet /Ahal welaýatynyň Kaka etrabynda täze “Bagtly Zamana” obasy açyldy
  19.09.2025
1019
Ahal welaýatynyň Kaka etrabynda täze “Bagtly Zamana” obasy açyldy

Ahal welaýatynyň Kaka etrabynyň Gowşut geňeşliginde sişenbe güni täze gurlan Bagtly zamana obasynyň açylyş dabarasy boldy. Bu barada “Watan” habarlar gepleşigi habar berdi.

 

Türkmenistanyň Prezidenti Serdar Berdimuhamedow bu dabaranyň açylyşyna bagyşlap iberen gutlag hatynda täze ýaşaýyş ýerleriniň gurulmagynyň ýurdumyzda alnyp barylýan giň gerimli durmuş-ykdysady özgertmeleriň aýdyň nyşanydygyny belledi. Şeýle hem sebitlerde döwrebap ýaşaýyş we ykdysady infrastrukturanyň döredilýändigi, ylmy-tehniki ösüşleriň hem-de innowasiýalaryň giňden ornaşdyrylmagy ýurduň ykdysady kuwwatynyň we sazlaşykly ösüşiniň aýdyň beýany hökmünde görkezilýär.

 

Täze obada 400 öý, 640 okuwçylyk orta mekdep, 320 orunlyk çagalar bagy, söwda merkezi we geňeşligiň edara binasy guruldy. Bu binalar döwrebap enjamlar bilen üpjün edilendir.

 

Bagtly zamana obasy sebitiň durmuş we medeni ösüşine uly täsir ýetirip, ýurdumyzda guruljak geljekki ýaşaýyş nokatlary üçin nusga hökmünde garalýar.