Şu gün ýurdumyzda ählihalk bag ekmek dabarasy giň gerim aldy. Gadymy Ahal ýaýlasynda hem bu çäre uly ruhubelentlik bilen öz beýanyny tapdy.  Welaýatyň çäginde dürli bag nahallarynyň jemi 80 müň 170 düýbi, şol sanda saýaly we pürli bagyň 47 müň 910, miweli bagyň we üzümiň 32 müň 260 düýbi oturdyldy.

Bu baýramçylyk çäresine köp sanly ýaşaýjylar, welaýat häkimliginiň, edara-kärhanalaryň, jemgyýetçilik guramalarynyň işgärleri, il sylagly ýaşulular, mährem eneler,  ýaşlar gatnaşdylar.

Ählihalk bag ekmek dabarasyna zähmetkeş halkyň 65 müň 850-si goşulyp,  olar agaç nahallaryny oturtmaga we ekilen baglaryň ideg işlerine gatnaşýar.