Ahal welaýaty
logo

Soňky täzelikler:
✦ Sanly ulgam - ösüşiň binýady ✦ ✦ Medeniýet hepdeligine badalga berildi ✦ ✦ Merkezi Aziýa ýurtlarynyň küştçüleri «Aşgabat 2025» halkara ýaryşynda üstünlikli çykyş etdiler ✦ ✦ Galla - biziň baýlygymyz ✦ ✦ Parahatçylyk taglymaty - bitewüligiň binýady ✦ ✦ Türkmenistanyň ýokary okuw mekdepleriniň 14-si «THE Impact Rankings 2025» reýtingine goşuldy ✦ ✦ Milli zergärçilik sungaty bilen tanyşyldy ✦ ✦ Meýdan düşelgesindäki dabaraly çäre ✦ ✦ Türkmen sazlary Pekinde ýaňlandy ✦ ✦ Medeniýet, sungat, Magtymgulynyň döredijiligi – milli gymmatlyklaryň hazynasy ✦
Baş sahypa / Gyzykly /ABŞ-da 17 sany täze kyrkaýak görnüşi tapyldy
  19.04.2022
542
ABŞ-da 17 sany täze kyrkaýak görnüşi tapyldy

ABŞ-nyň Appalaç daglarynda ýaşaýan Nannaria maşgalasyna degişli kyrkaýaklaryň 17 sany täze görnüşiniň tapylandygy mälim edildi. Bu täze kyrkaýak görnüşi, ABŞ-nyň Tebigat bilen baglanyşykly gözlegleri alyp barýan alymlar topary tarapyndan tapyldy.

Wirjina politehniki institutynyň we Döwlet uniwersitetiniň entomologlary meýdan işlerinde we ýerli muzeý kolleksiýalaryndan ýygnalan 1800-den gowrak nusgany gözden geçirdiler. Entomologlar gözlegleriniň netijesinde, Appalaç daglarynda ýaşaýan Nannaria maşgalasyna degişli kyrkaýaklaryň 17 sany täze görnüşini tapdylar.

Wirjina politehniki institutynyň hünärmenleri bu az tanalýan oňurgasyzlaryň dargamak üçin möhüm rol oýnaýandygyny belläp, ýaprak galyndylaryny ýok edip, ýokumly maddalary ekosistema goýberýändigini aýtdy.

Aslynda kyrkaýaklar tokaýyň barylmasy kyn ýerlerinde ýaşaýarlar, çüýrän ýapraklar we beýleki ösümlikler bilen iýmitlenýärler. Kyrkaýaklary aslynda tutmak birneme kyn, sebäbi olar kämahal ýeriň aşagynda gömülýärler. Gözlegiň netijeleri “ZooKeys” žurnalynda çap edildi.

Guwandyk ALLAKOW,

Döwletmämmet Azady adyndaky
Türkmen milli dünýä dilleri
institutynyň talyby.