Türkmenistanyň Söwda-senagat palatasy öz resmi saýtynda 2023-nji ýylda geçiriljek sergileriň we maslahatlaryň täzelenen senenamasyny neşir etdi. 

2023-nji ýylda, Türkmenistanda ilkinji gezek azyk önümçiliginiň häzirki zaman tehnologiýalarynyň «Agro-Pak Türkmenistan-2023» halkara sergisini geçirmek meýilleşdirilýär. Şeýle hem «Awaza-2023» halkara tans we halk döredijiligi festiwaly hem-de Türkiýäniň eksport harytlarynyň sergisi guralar.

Sanawa görä, Türkmenistanyň Senagatçylar we telekeçiler birleşmesiniň döredilmegine, Aşgabat şäheriniň gününe, Garaşsyzlygyň 32 ýyllygy mynasybetli ýurduň ykdysady üstünliklerine we ş.m bagyşlanan her ýylky däp bolan sergiler geçiriler.

Mundan başga-da, halkara ylmy maslahatlary we festiwallary, Halkara «Türkmen alabaý itleri» assosiasiýasynyň III mejlisini guramak meýilleşdirilýär. 

Fewral aýynda:
- Türkmenistanyň Diplomatik işgärleriniň gününe bagyşlanan dabaraly maslahat (18.02.2023); 

Mart aýynda: 
- Türkmenistanyň Senagatçylar we telekeçiler birleşmesiniň döredilmeginiň 15 ýyllygy mynasybetli sergi we Türkmenistanyň Senagatçylar we telekeçiler birleşmesiniň agzalarynyň maslahaty (17.03.2023-18.03.2023); 

Aprel aýynda: 
- Türkmenistanyň söwda toplumynyň sergisi (04.04.2023-06.04.2023);
- «Türkmen bedewi we atşynaslygyň dünýä sungaty» XV Halkara ylmy maslahat, ahalteke atlarynyň Halkara assosiasiýasynyň XIII mejlisi (26.04.2023-30.04.2023); 

Maý aýynda:  
- «Halkara ulag-üstaşyr geçelgeleri: özara arabaglanyşyk we ösüş – 2023» (03.05.2023-04.05.2023);
- «Ak şäherim — Aşgabat» atly XXII köpugurly halkara sergisi (24.05.2023-25.05.2023);
- Türkmen el halysynyň gadyryny bilýänleriň Bütindünýä assosiasiýasynyň «Türkmen halysy – türkmeniň kalby» atly XXIII maslahaty (28.05.2023); 

Iýun aýynda:  
- Daşky gurşawy goramagyň bütindünýä güni mynasybetli maslahat (05.06.2023);
- «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahaty (12.06.2023-13.06.2023);
- «Awaza-2023» Halkara tans we folklor festiwaly (13.06.2023-16.06.2023); 

Awgust aýynda: 
- Hazar deňziniň gününe bagyşlanan maslahat (12.08.2023);
- «Türkmenistanyň gurluşygy, senagaty, energetikasy — 2023» halkara sergisi we «Türkmenistanyň gurluşyk, senagat, energetika pudaklarynyň ösüşi» atly maslahaty (06.08.2023-07.08.2023); 

Sentýabr aýynda:  
- Dünýä türkmenleriniň ynsanperwer assosiasiýasynyň XXIV maslahaty (10.09.2023-20.09.2023);
- Türkmenistanyň garaşsyzlygynyň 32 ýyllygyna bagyşlanan Türkmenistanyň ykdysady gazananlarynyň sergisi (20.09.2023-21.09.2023);
- Ýurduň ykdysady ösüşine bagyşlanan «Senagat-innowasion nusgasy – ýurduň esasy strategiki ugry» atly ylmy-amaly maslahaty (21.09.2023); 

Oktýabr aýynda:  
- «Türkmen alabaýlary» Halkara assosiasiýasynyň III mejlisi (10.2023);
- «Türkmen alabaýlaryny we tazylary ösdürip ýetişdirmek: taryhy, medeniýeti we sungaty» atly III Halkara ylmy maslahat (10.2023);
- «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergi we ylmy maslahat (10.10.2023-12.10.2023);
- «Türkmenistanyň nebiti we gazy-2023» atly halkara maslahat we halkara sergi (25.10.2023-27.10.2023); 

Noýabr aýynda:  
- Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Turkmentel-2023» atly halkara sergisi we ylmy maslahaty (09.11.2023-10.11.2023);
- «Sanly çözgüt – 2023» atly innowasion taslamalaryň bäsleşigi (10.11.2023 - 10.11.2023);
- «Bagtyýarlyk eýýamynyň teatr sungaty» IV Halkara festiwaly (14.11.2023 - 16.11.2023);
- Azyk önümleriniň önümçiliginiň döwrebap tehnologiýalarynyň halkara sergisi «Agro-Pak Türkmenistan-2023» (28.11.2023 - 30.11.2023); 

Dekabr aýynda:
- Türkiýe Respublikasynyň eksport harytlarynyň sergisi (06.12.2023 - 08.12.2023); 

Çäreleriň geçirilýän senesi üýtgäp biler.