26-njy awgustda, Türkmenistanyň Prezidenti sanly ulgam arkaly Ministrler Kabinetiniň nobatdaky mejlisi geçirdi. Mejlisiň barşynda, Türkmenistanyň Prezidenti şu ýylyň 2-nji sentýabrynda Türkmenistanda güýzlük bugdaý ekişine köpçülikleýin girişilmegine ak pata berdi.

Döwlet Baştutanymyz, ekiş möwsümini öz wagtynda, ýokary hilli hem-de guramaçylykly geçirmegiň wajypdygyny aýdyp, gallaçylara hem-de oba hojalygynyň ähli zähmetkeşlerine berk jan saglyk, bagtyýar we abadan durmuş, mähriban topragymyzda bereketli hasyl ýetişdirmekde uly üstünlikleri arzuw etdi.