Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Medeniýet /Zenan mugallymlaryň we talyplaryň döredijilik sergisi geçirildi
  23.07.2025
738
Zenan mugallymlaryň we talyplaryň döredijilik sergisi geçirildi

Berkarar döwletiň täze eýýamynyň Galkynyşy döwründe Gahryman Arkadagymyzyň Arkadagly Gahryman Serdarymyzyň tagallalary bilen ata Watanymyz bedew bady bilen öňe barýar.  


2025-nji ýylyň 4-8-nji awgustynda “Awaza” milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahaty 32 döwletiň ýolbaşçylarynyň, şeýle hem BMG-niň beýleki gyzyklanma bildirýän agza ýurtlarynyň wekilleriniň gatnaşmagynda geçirilmek göz öňünde tutuldy. Şu möhüm halkara forumyna taýýarlyk işleri häzirki wagtda giň gerimde alnyp barylýar. Bäş gün dowam etjek forumyň çäklerinde syýasy-diplomatik, ykdysady we medeni-ynsanperwer ugurlary öz içine alýan giň gerimli çäreleriň geçirilmegi meýilleşdirilýär.


Bu gün çeperçilik akademiýasynyň Sergiler jaýynda geçiriljek foruma bagyşlanyp, Ilkinji zenanlar guramasynyň agzalarynyň, zenan mugallymlaryň we talyplaryň gatnaşmaklarynda döredijilik eserleriniň sergisi açyldy. Sergide türkmen zenanlarynyň, gyz-gelinleriň edep-ekramlylygyny, el işlerini, maşgala mukaddesligini, ene-mamalarymyzdan gelýän ýol-ýörelgelerimizi, milliligimizi ýaşlara görkezildi. Ýakynda geçiriljek maslahatyň çäginde bolsa çeperçilik akademiýasy häzirki wagtda talyp ýaşlarymyzyň eziz Diýarymyzyň ajaýyp gözelligini, parahat we asuda ýaşaýyş durmuşyny, halkara dost-doganlyk gatnaşyklaryny, Beýik Ýüpek ýolunyň taryhy döwrüni, dürli döwletler bilen medeni we söwda aragatnaşygyny şekillendirýän eserlerinden sergisini gurnamagy meýilleşdirýär.

Tawus GARAJAÝEWA,
Türkmenistanyň Döwlet çeperçilik
akademiýasynyň uly ylmy işgäri.