Şu ýylyň ýanwar-aprel aralygynda Türkmenistan Hytaýa 2 milliard 870 million ABŞ dollarlyk tebigy gaz iberdi. Bu görkeziji geçen ýylyň degişli döwrüniň görkezijisinden 1,53 esse ýokarydyr.

Hytaýyň Baş gümrük müdirliginiň beren hasabatyna görä, Hytaýyň turbageçiriji arkaly tebigy gazy bilen üpjün edýän ýurtlaryň arasyna Russiýa hem girdi. Russiýanyň Hytaýa tebigy gaz eksporty 1 milliard 40 million ABŞ dollaryna barabar bolup, geçen ýylyň degişli döwri bilen deňeşdirilende 2,67 esse artdy.

Häzirki wagtda ýurdumyz Türkmenistan-Özbegistan-Gazagystan-Hytaý ugry boýunça uzaýan üç sany gaz geçirijisi arkaly öz ýangyjyny Hytaýa eksport edýär. Turba geçiriji ulgamy ýylda 55 milliard kubmetr gaz daşamaga mümkinçilik berýär. Onuň üsti bilen ugradylýan gazyň köp bölegi Türkmenistandan we galan bölegi Gazagystandan hem-de Özbegistandan alynýar.