Türkmen halkynyň maşgala ojagynda kemal tapan nesiller turuwbaşdan öwrenmeklige, ylym almaklyga werzişdirler. Çünki bu gadymy mekan irki döwürlerde-de ylym-bilimiň, medeniýetiň, sungatyň örňäp ösen ýeri hökmünde bilnipdir. Muňa şöhratly taryhymyzyň şanly sahyplaryna ser salanymyzda hem anyk göz ýetirmek bolýar.

Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda baky bagtyýarlyga eýe bolan eziz ilimiz Berkarar döwletiň täze eýýamynyň Galkynyşy döwründe hem ylym-bilimde, sportda, medeniýetde-sungatda ýokary ösüşleri gazanyp, dünýäde parahatçylygy pugtalandyryjy ýurt hökmünde uly abraýdan peýdalanýar. Ösüşleriň aýdyň ýoly bilen barha ilerleýän ata Watanymyzda döwrüň talabyndan ugur alnyp, bilim ulgamyna täzeçil çemeleşmeler girizilýär, häzirki zamanyň öňdebaryjy usullary giň gerim bilen ornaşdyrylýar.   

Arkadagly Gahryman Serdarymyzyň bimöçber aladalary esasynda döwletimiziň halkara hyzmatdaşlygynda gazanýan oňyn tejribesiniň buýsandyryjy netijelerini bilim ulgamynda ýetilýän üstünliklerde hem aýdyň görmek bolýar. Ýaşlaryň arasynda olaryň iň başarnykly we ýiti zehinlilerini ýüze çykarmak maksady bilen halkara olimpiadalaryny yzygiderli guramak indi ýurdumyzda asylly däbe öwrüldi. Türkmen ýaşlary özleriniň erjelliklerini, bilime bolan ymtylyşlaryny şeýle ders bäsleşiklerinde baýrakly orunlara mynasyp bolmak arkaly aýdyň subut edýärler we özleri barada edilýän aladalara bu ugurdaky gazanýan guwandyryjy üstünlikleri bilen mynasyp jogap berýärler.

Suhrabjan Polatbaýew,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.