Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Ýeralmanyň bol hasyly ýetişdirilýär
  21.06.2021
334
Ýeralmanyň bol hasyly ýetişdirilýär

Tejen etrabynyň zähmetkeşleri möwsümde 460 gektar meýdanda ýazlyk ýeralmasyny ekip, bu babatda öňde goýlan wezipäni abraý bilen amal etdiler. Hyrydarly önümi ösdürip ýetişdirmekde baý iş tejribesini toplan etrabyň gök ekerançylary ekinlerden bol hasyly almak üçin daşary ýurtlarda öndürilen kuwwatly tehnikalardan netijeli peýdalanýarlar. Şu günler etrabynyň kärendeçileri meýilnama boýunça ekilen meýdanlardaky ýeralma agrotehnikanyň talaplaryna laýyklykda ideg edilýär. Şeýle hem ýeralma ösüş suwyny tutmak, mineral dökünler bilen iýmitlendirmek işleri ýokary derejede amala aşyrylýar.

Etrabyň daýhan birleşiklerinde bu işler güýçli depginlerde alnyp barylýar. Irki ekilen meýdanlarynyň hasyllarynyň ilkinji miweleri görnüp başlandy. Etrabyň ekerançylary şu ýyl 6 müň tonnadan gowrak ýeralmanyň bol hasyl almagy maksat edinýänler. Olaryň esasy maksatlary halkymyzy azyk önümleri bilen elýeterli bahalardan üpjün etmekden, ak bazarlarda azyk bolçulygyny döretmekden ybarat bolup durýar.