Güllerini ygşyldadyp,
Günlerine asal gatyp,
Damjalardan nagma kakyp,
Bakyň, il-gün, ýaz gelýär, ýaz.

Peller reňňe boýalypdyr,
Daragtlar boý alypdyr,
Serde pikir goýalypdyr,
Bakyň, il-gün ýaz gelýär, ýaz.

Bilbil bary saýraşarlar,
Ter damjalar paýraşarlar,
Gülleň ysy ýaýraşarlar,
Bakyň, il-gün, ýaz gelýär, ýaz.

Älemgoşary keremli,
Sährasy umga-jerenli,
Bu ülkäň  bagy Eremli,
Bakyň, il-gün, ýaz gelýär, ýaz.

Arkadagly Serdar bilen,
Türkmen şanyn jahan biler,
Şol şöhrata şärik bolan,
Bakyň, il-gün, ýaz gelýär, ýaz.