Tükmen ekerançylary miwe we gök önümlerini ýetişdirmekde şeýle-de olary daşary ýurtlara eksport etmekde uly işleri durmuşa geçirýärler. Ýurdumyzyň eksport mümkinçiligini pugtalandyrmakda esasan hem Ahal, Mary we Lebap welaýatlarynyň telekeçileri tapawutlanýarlar. Häzirki wagtda hususy hojalyklaryň onlarçasy 670 gektar ýyladyşhanalarda gök ekinleri ýetişdirýärler.


Galla önümleriniň alty müň tonna golaýy daşary ýurtly alyjylara iberildi. Eksporta önüm ugratmaga ymtylýan telekeçiler şu ýyl eýýäm ýüzlerçe tonna künji tohumyny, pisse, jöwen, noýba, ýorunja satdylar. Mäş ekilýän meýdanlaryň möçberi artdy. Şu ýyl ilkinji gezek 2,3 müň tonna mäş ýygnaldy. Häzir gök we bakja ekinleri 38 müň gektar meýdana ekildi, telekeçilerimiz şol ýerlerde hyýar, bolgar burçy, käşir, garpyz, gawun, ýertudana we banan ýetişdirýärler. Türkmen gök önümlerine ajaýyp tagamy üçin GDA bazarlarynda ýokary baha berýärler.


Miweli baglaryň ekilýän meýdany-da ýylsaýyn artýar. Häzirki wagtda bagçylyk hojalyklary 14 müň gektar meýdandan agdyk ýerden 37 müň tonna miwe ýygnamagy göz öňünde tutýarlar.