Türkmenistanyň Döwlet haryt-çig mal biržasy alyp barýan işleriniň halkara ülňülere laýyk gelýändigini kepillendirýän Standartlaşdyrmagyň halkara guramasynyň (ISO) güwänamasyna ikinji gezek eýe boldy. Ilkinji gezek, «ISO» güwänamasy 2019-njy ýylyň awgustynda Awazada geçirilen I Hazar ykdysady forumynyň çäginde gowşurylypdy.

Iýul aýynda Türkmenistanyň Döwlet haryt-çig mal biržasynda SGS halkara audit kompaniýasynyň Türkmenistandaky wekilhanasy tarapyndan audit we menejment barlaglary geçirildi. Barlaglaryň netijesinde Döwlet haryt-çig mal biržasynyň işiniň halkara ülňülere doly laýyk gelýändigi anyklandy. 10-njy awgustda bolsa, şweýsar audit kompaniýasynyň wekili tarapyndan menejment we hil babatda ISO 9001:2015 güwänamasy gowşuryldy.

Belläp geçsek, üstümizdäki ýyl Türkmenistanyň Döwlet haryt-çig mal biržasynyň döredilenine 28 ýyl dolýar.