24-nji aprelde, Halkara ynsanperwer ylymlary we ösüş uniwersitetinde III Açyk halkara matematika olimpiadasyna (OMOUS-2023) dabaraly ýagdaýda badalga berildi. Bu Açyk halkara matematika olimpiadasy ýurdumyzda ilkinji gezek geçirilýär.

Birnäçe günläp dowam etjek halkara olimpiada GDA-nyň, Latyn Amerikasynyň, Ýewropanyň, Ýakyn Gündogaryň ýurtlaryndan zehinli ýaşlar gatnaşýar. Olimpiada iki görnüşde — ýekebara we toparlaýyn görnüşlerde geçirilýär. Onuň emin agzalary ýurdumyzyň we bu bäsleşige gatnaşýan daşary ýurtlaryň ýokary okuw mekdepleriniň professor-mugallymlaryndan ybaratdyr.

Açyk halkara olimpiadanyň geçirilmegi, türkmen talyplarynyň ukyp-başarnyklaryny açyp görkezmek bilen birlikde, ýurdumyzyň sanly bilim ulgamyna geçmekdäki üstünlikli gadamlaryna, ýaşlarymyzyň innowasion tehnologiýalara ezberlik bilen erk edýändigine göz ýetirmäge hem mümkinçilik berer. 

Şadyýar BABAMYRADOW,

Türkmen döwlet binagärlik-gurluşyk
institutynyň talyby.