Ahal welaýaty
logo

Soňky täzelikler:
✦ Gender deňligini ösdürmekde Türkmenistanyň alyp barýan işleri ✦ ✦ Роль цифровых решений в современном мире ✦ ✦ «Halkara parahatçylyk we ynanyşmak ýyly – sport parahatçylygyň ilçisi» atly dabaraly hoşallyk maslahaty geçirildi ✦ ✦ Ýaşyl ykdysadyýete geçmek ýurdumyzyň möhüm ugry ✦ ✦ Rumyniýada “Türkmenistanyň Bitaraplygynyň 30 ýyllygy ” atly halkara maslahat geçirildi ✦ ✦ XIV Uniwersiadanyň ýeňijileri sylaglandy ✦ ✦ Merkezi Aziýa geljegiň “energiýa jenneti” bolar ✦ ✦ Türkmen wekiliýeti “Sogd-2025” halkara söwda ýarmarkasyna gatnaşmaga çagyrylýar ✦ ✦ Howanyň üýtgemegi boýunça 7-nji Merkezi Aziýa maslahaty geçirildi ✦ ✦ BMG-niň Merkezi Aziýadaky hemişelik utgaşdyryjylarynyň gatnaşmagynda okuw sapagy geçirildi ✦
Baş sahypa / Ykdysadyýet /Türkmenistanda çagalar üçin tigirleriň önümçiligi ýola goýular
  11.01.2023
788
Türkmenistanda çagalar üçin tigirleriň önümçiligi ýola goýular

«Türkmen şöhle» hojalyk jemgyýeti ýakyn geljekde çagalar üçin tigirleri hem-de polipropilenden oturgyçlary öndürip başlamagy göz öňünde tutýar. Çagalar üçin tigirler 3-5 ýaşly körpejelere niýetlenilip, «Şöhle plastik» haryt nyşany bilen ilata hödürlener.

«Türkmen şöhle» HJ plastik önümleriň önümçiligi bilen tanalýar. Hojalyk jemgyýetiniň önümçilik kärhanasy Ahal welaýatynyň Ak bugdaý etrabynyň çäginde ýerleşýär. Kärhanada plastmassadan öý hojalyk harytlarynyň, çaga oýnawaçlarynyň dürli görnüşleri öndürilýär. Hytaýyň öňdebaryjy kompaniýalarynyň önümi bolan döwrebap enjamlaryň ornaşdyrylmagy kärhanada aýda ençeme tonna çenli önüm öndürmäge mümkinçilik döretdi.

Kompaniýa ýurdumyzda ilkinji bolup laminatyň düşeginiň önümçiligini hem ýola goýupdy. Bu önüm rulon görnüşinde bolup, onuň ini 1 metre deňdir. Uzynlygy sargytlara görä öndürilýär. Gurluşykda peýdalanylýan laminatyň düşegi jaýyň içine çyg, sowuk geçirmeýär. «Türkmen şöhle» hojalyk jemgyýetiniň önümlerine diňe bir içerki bazarda däl, eýsem, halkara bazarda hem uly isleg bildirilýär. Bu önümler Russiýa, Gazagystana we Belarus Respublikasyna eksport edilýär.