“Bir Kuwwat” türkmen kompaniýasy Hytaýyň “Shanxi Investment Group International Logistics Co Ltd” kompaniýasy bilen hyzmatdaşlykda multimodal ugru boýunça Türkmenistandan Hytaýa 850 tonna buýan köküni iberdi.

Ýük Türkmenabat şäherinden ugradylyp, ilki bilen Türkmenbaşy şäheriniň Halkara deňiz portuna getirildi. Soňra ol deňiz ýoly arkaly Gazagystanyň Aktau şäherine çenli iberildi. Şol ýerden ýük demir ýol ulagy arkaly Hytaý Halk Respublikasynyň Horgos serhet stansiýasyndan geçdi hem-de şondan bellenen nokadyna Sian şäherine gelip gowuşdy.