2022-nji ýylyň ýanwar — awgust aýlarynda Türkmenistanyň Gazagystana eksporty 2,1 esse ýokarlanyp, 75 million amerikan dollaryna barabar boldy.

Degişli döwürde Türkmenistanyň Gazagystana umumy eksportynyň 42 göterimine golaýyny, ýagny 31,4 million dollaryny tebigy gaz eýeledi. 8 aýda Türkmenistan umumy bahasy 24,9 million dollarlyk pomidory goňşy döwlete eksport etdi. Gazagystana ýurdumyzdan eksport edilen harytlaryň hatarynda nebit önümleri (4,4 million dollar), dokma önümleri (3,1 million dollar), haltalar we polietilen torbalar (1,3 million dollar), ýol gurluşyk tehnikalary (1,2 million dollar) we kelem (990 müň dollar) bar.

Şeýle hem, ýanwar — awgust aýlarynda Gazagystanyň Türkmenistana eksporty 2,5 esse ýokarlanyp, 211,1 million dollara barabar boldy. Gazagystanyň Türkmenistana eksportynyň esasy bölegini bugdaý, telefon aragatnaşyk enjamlary, kiçi göwrümli gämiler we tüwi eýeleýär.