2025-nji ýylyň 25-nji fewralynda Türkmenistanyň Döwlet energetika institutynda “Himiýa we himiýa tehnologiýasy” kafedrasynyň gurnamagynda ekologiýa bilen baglanyşykly okuw maslahaty geçirildi. Bu çäre Durnukly ösüş maksatlarynyň “Arassa suw we arassaçylyk” hem-de “Gury ýer ekologik ulgamyny gorap saklamak” ugurlarynyň çäklerinde guraldy.

Maslahatda “Ekologiýa terbiýesi – sagdyn durmuşyň gönezligi”, “Arassa gurşaw – sagdyn ýaşaýyş” we “Tebigat – biziň öýümiz” ýaly möhüm temalar boýunça çykyşlar diňlenildi. Çykyş edenler daşky gurşawy goramagyň, ekologiýa taýdan arassa şertleriň üpjün edilmeginiň jemgyýet we saglyk üçin ähmiýetini nygtadylar.

Maslahata gatnaşyjylar ekologiýa ulgamynda alnyp barylýan işler üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza çuňňur hoşallyk bildirdiler.

Çeşme: Türkmenistanyň Bilim Ministrligi