2025-nji ýylyň 27-nji noýabrynda Türkmenistanyň Döwlet energetika institutynda professor-mugallymlaryň we talyp ýaşlaryň gatnaşmagynda «Kitap adamzadyň ruhy hemrasy» atly wagyz-nesihat duşuşygy geçirildi. Duşuşykda Arkadagly Gahryman Serdarymyzyň «Magtymguly-dünýäniň akyldary» atly kitabynyň «Magtymgula düşünmegiň açary», «Magtymguly Pyragy mekdebi we türkmen magtymgulyşynaslary», «Pähim-paýhas ummany», «Parahatçylygyň şahyry», «Döwürleriň we siwilizasiýalaryň şahyry», «Halk ýadyndan aýrylma», «Halkyň hem hakykatyň ýolunda» atly bölümleri boýunça birnäçe gyzykly çykyşlar diňlenildi. Şeýle hem kitabyň Magtymguly Pyragyň 300 ýyllygyna bagyşlanan resmi resminamalar we çykyşlar baradaky bölümi hem giňişleýin beýan edildi.

Maslahatyň dowamynda talyp ýaşlara Magtymguly Pyragyň döredijiligini çuňňur öwrenmek üçin döredilen şertler, şahyryň dünýä derejesindäki ähmiýeti we çeper mirasynyň çäksiz bahasy barada aýratyn nygtaldy. Duşuşygyň ahyrynda oňa gatnaşyjylar döredilýän ähli mümkinçilikler üçin Türkmen halkynyň Milli Lideri Gahryman Arkadagymyza Hormatly Prezidentimiz Arkadagly Gahryman Serdarymyza alkyş hem-de hoşallyk sözlerini aýtdylar.

Aýgül TARNAWOWA,

Türkmenistanyň Döwlet energetika
institutynyň mugallymy.