Şu gün, Türkmen bedewiniň milli baýramy mynasybetli guralýan dabaralara gatnaşmak üçin Russiýa Federasiýasynyň Tatarystan Respublikasynyň Prezidenti Rustam Minnihanow ýurdumyza sapar bilen geldi.

Tatarystan Respublikasynyň Prezidentini türkmen döwletiniň Baştutany mähirli kabul etdi. Rustam Minnihanow Russiýa Federasiýasynyň Prezidenti Wladimir Putiniň mähirli salamyny we gutlaglaryny, ähli türkmen halkyna ýollan abadançylyk baradaky iň gowy arzuwlaryny ýetirdi. Myhman türkmen-tatar hyzmatdaşlygyna hemişe üns berýändigi üçin hoşallyk bildirip, ýene bir gezek doganlyk Türkmenistana gelip görmek mümkinçiligine örän şatdygyny aýtdy.

Iki ýurduň Döwlet Baştutanlary söwda-ykdysady, ýangyç-energetika, ulag-kommunikasiýa, oba hojalyk we başga-da birnäçe pudaklar boýunça gepleşikleri geçirdiler.