Şu gün Aşgabat şäherindäki Demir ýol ulaglary orta hünär okuw mekdebinde «Startaplar we ekoulgamlar» atly çäre geçirildi. Seminaryň maksady ýaşlaryň startap taslamalaryna, işewürlige başlamagyna goldaw bermek we ykdysady ekoulgamlar baradaky düşünjeleri ösdürmekden ybarat boldy.

Çäre Türkmenistanyň Senagatçylar we telekeçiler partiýasynyň Aşgabat şäher komiteti bilen okuw mekdebiniň bilelikde guramagynda geçirildi. Onda “Ýaş telekeçiler” merkeziniň utgaşdyryjysy Merdan Ataýew çykyş edip, ýaş telekeçilige degişli mümkinçilikler we täze taslamalaryň ösüşi barada çykyş etdi.

Seminardan soň gatnaşyjylar sorag-jogap görnüşinde öz pikirleri bilen paýlaşdylar. Şeýle çäreler ýaşlaryň döredijilikli pikirlenmegini we telekeçilik başlangyçlaryny höweslendirmekde möhüm ähmiýete eýedir.