Kerki şäherinde gurlan täze şaly arassalaýjy kärhanasynda Kerki we Halaç etraplaryndan ýygnalan hasyldan ýokary hilli tüwiniň öndürilmegi ýola goýulýar.

Toplumyň gurluşygyndaky esasy işler tamamlandy. Kärhanada kompýuter tehnologiýalary ulanylyp, şalyny netijeli arassalamak we sortlara bölmek üçin öňdebaryjy daşary ýurt kompaniýalarynyň enjamlary enjamlaşdyrylýar.

Daşky gurşawa zyýansyz ýörelge boýunça taslamasy ýerine ýetirilen kärhanada indiki ýyldan başlap 2 müň gektara golaý meýdanda ösdürilip ýetişdiriljek şalynyň täze sortlaryny arassalamak meýilleşdirilýär.