Saglyk jemgyýetiň iň gymmatly baýlyklarynyň biridir. Adam saglygynyň berk bolmagy diňe bir şahsy abadançylygyň däl, eýsem jemgyýetiň ykdysady we durmuş ösüşiniň hem möhüm şertidir. Häzirki döwürde sagdyn durmuş ýörelgesini berjaý etmek, keselleriň öňüni almak we saglyk medeniýetini ýokarlandyrmak aýratyn ähmiýete eýe bolýar.

Dogry iýmitlenmek, fiziki işjeňlik we ukynyň kadaly bolmagy saglygyň esasy düzüm bölekleridir. Yzygiderli hereket etmek bedeniň immun ulgamyny berkidýär, ýürek-damar keselleriniň töwekgelçiligini peseldýär we işjeň ýaşaýyş depginini üpjün edýär. Şeýle hem psihologik durnuklylygy saklamak, stressden gaça durmak saglygyň möhüm taraplarynyň biridir.

Şonuň üçin-de jemgyýetde saglyk baradaky düşünjäni ösdürmek, ýaş nesliň sagdyn endiklere ugrukdyrylmagy döwlet we jemgyýetçilik derejesindäki möhüm wezipeleriň hatarynda durýar. Sagdyn adam — sagdyn jemgyýetiň we berk geljegiň kepilidir.

Aýbölek GYLYÇLYÝEWA,
Halkara senagatçylar we telekeçiler
uniweristetiniň talyby.