15-nji martdan 17-nji mart aralygynda Russiýanyň Prezident saýlawlary geçirildi. Russiýanyň Merkezi Saýlaw Komissiýasynyň deslapky maglumatlaryna görä, RF-iň häzirki Prezidenti rekord 77% saýlawlara gatnaşyk bilen saýlawçylardan 87,32% ses alyp, ýene bir möhlete gaýtadan saýlandy. Netije saýlawçylaryň sesleriniň 99,76% gaýtadan işlenenden soň alyndy.

Ýatladyp geçsek, 2018-nji ýylda Russiýada geçirilen prezident saýlawlarynda Putin 76,69% ses alyp ýeňiş gazanypdy. Deslapky maglumatlara görä, häzirki döwlet baştutany üçin 75 932 111 saýlawçy ses berdi.

Ikinji orunda Döwlet Dumasynyň deputaty Nikolaý Haritonow barýar we onuň sesleriniň sany 4,3 göterime deňdir. Üçünji orundaky Döwlet Dumasynyň wise-spikeri Wladislaw Dawankowyň sesleriniň sany 3,8 göterime barabardyr. LDPR partiýasynyň dalaşgäri Leonid Sluskiý bolsa saýlawçylaryň 3.17 göteriminiň sesini aldy.

Russiýada ilkinji gezek Prezident saýlawlary 3 gün dowam edip, ol hem 15-17-nji mart aralygynda geçirildi.

Ýeri gelende belläp geçsek, Wladimir Wladimirowiç Putin 1952-nji ýylyň 7-nji oktýabrynda Leningradda dünýä indi. Putin 1975-nji ýylda Leningrad döwlet uniwersitetiniň hukuk bölümini tamamlap, ykdysadyýet boýunça magistr derejesini aldy.

Ezizmuhammet HAJYÝEW,

Döwletmämmet Azady adyndaky

Türkmen milli dünýä dilleri

institutynyň talyby.