Türkmenabadyň pamyk egriji fabriginde welaýatyň pagta arassalaýjy kärhanalaryndan getirilýän pagta süýümi gaýtadan işlenilip, ýokary hilli nah ýüplükleriň öndürilişi barha artdyrylýar.

Fabrikde şu ýylyň geçen dört aýlyk iş meýilnamasy hem üstünlikli berjaý edildi. Has takygy, bu döwürde kärhana boýunça ekologiýa taýdan arassa, hil derejesi ýokary bolan nah ýüplükleriň 991 tonnasy, ýagny, 16 million 679 müň 770 manatlygy öndürildi. Taýýar önümleriň aglabasy Russiýa, Türkiýe, Polşa, Beýik Britaniýa ýaly ýurtlara eksport edilýär.