Türkmenabat pagta egriji fabriginde nah ýüplükleriň 20-lik, 27-lik, 34-lik ölçeglerdäki görnüşlerini öndürmekde ýokary netijeler gazanylýar.

Fabrikde şu ýylyň üç aýynda ýokary hilli nah ýüplügiň 2 müň 139 tonnadan gowragy öndürilip, üç aýlyk iş meýilnamasy 117 göterim berjaý edildi. Şol döwürde edilen işleriň pul hasabyndaky möçberi bolsa 41 million 590 müň manatlyga deň boldy.

Şeýle hem fabrikde ýylyň üç aýynda taýýar önümleriň 25 million 674 müň manatlygy, ýagny, 1 müň 306 tonnasy ýerlenildi. Doly awtomatlaşdyrylan usulda dolandyrylýan bu dokma kärhanasynda işçi-hünärmenleriň 580-e golaýy zähmet çekýär.