Özgerişlere beslenýän ata Watanymyz Türkmenistanda Hormatly Prezidentimiziň baştutanlygynda ýokary depginde ösýän milli ykdysadyýetimiziň üstünlikleri ýurdumyzyň mizemez kuwwatynyň aýdyň beýanyna öwrülip, Berkarar döwletiň täze eýýamynyň Galkynyşy döwrüniň ösüşiniň geljekki ugurlaryna badalga berýär. Ykdysadyýet, maliýe-bank toplumynyň, bilim, medeniýet, sport we syýahatçylyk ulgamlarynyň düzümleýin bölümleri we beýleki ähli pudaklar oňyn sepgitlere eýe bolýar. Döwletimizde üstünlikli alnyp barýan milli ýörelgesi ykdysadyýetiň pudaklarynyň toplumlaýyn döwrebaplaşdyrylmagyny we diwersifikasiýa ýoly bilen ösdürilmegini, öňdebaryjy tejribeleriň, netijeli tehnologiýalaryň işjeň ornaşdyrylmagyny üpjün edip, ýurdumyzyň senagat kuwwatyny has-da pugtalandyrýar.

Milli ykdysadyýetimizde gazanylýan üstünlikler eziz diýarymyzda daşary ýurtlardan getirilýän harytlaryň ornuny tutýan önümleri we eksport ugurly harytlary öndürmek boýunça häzirki zaman kärhanalaryny döretmäge ýol açýar. Ýurdumyzyň senagat pudagyny köptaraplaýyn ösdürmek, çig mal serişdelerini oýlanyşykly peýdalanmak, täze iş orunlaryny döretmek boýunça giň gerimli işler hem mynasyp dowam etdirilýär. Munuň özi mähriban halkymyzyň durmuş hal-ýagdaýynyň ýokarlanmagyna ýardam berýär.

Berkarar döwletimiziň täze eýýamynyň Galkynyşy döwründe belent maksatlar bilen öňe barýan mähriban Watanymyzda milli ykdysadyýetiň kuwwatyny artdyrmakda uly ösüşleriň gazanylýandygy her birimizi begendirýär hem buýsandyrýar. Çünki ýurdumyzyň durmuş-ykdysady ulgamlaryny ösdürmekde belent sepgitlere ýetip, sebit hem-de dünýä ykdysadyýetine işjeň goşulyşýandygyna ählimiz şaýat. Önümçilik, ylym-bilim, saglygy goraýyş we medeni-durmuş maksatly iri taslamalaryň durmuşa geçirilmegi, döwrebap desgalaryň her ýylda ýüzlerçesiniň gurlup ulanmaga berilmegi eziz Diýarymyzyň ykdysady kuwwatynyň artýandygyna kepil geçýär. Hormatly Prezidentimiz hususy pudagy ösdürmekde, dünýä bazarlarynda barha giň orun alýan harytlarymyzy we hyzmatlarymyzy, amala aşyrýan taslamalarymyzy dünýä ýaýmaga mümkinçilik berýän ähmiýetli başlangyçlary ýola goýmagyň zerurdygyna uly üns berýär. Arkadagly Serdarymyzyň ýola goýýan beýik maksatlary milli ykdysadyýetimiziň diwersifikasiýa ýoly bilen ösdürilmeginden, daşary ýurtlardan getirilýän harytlaryň ornuny tutýan önümleriň öndürilmeginden we eksportyň artdyrylmagyndan hem-de önümçilikleri depginli döwrebaplaşdyrmakdan ybaratdyr. Bularyň ählisi, şeýle möhüm wezipeleriň üstünlikli amala aşyrylýan ýurdumyzda ykdysadyýetiň ähli pudaklaryny ýokary derejede kämilleşdirmek boýunça möçberi deňsiz-taýsyz uly bolan döwlet ähmiýetli işlerde mynasyp beýanyny tapýar. 

Döwran BAÝRAMOW,

Türkmen oba hojalyk institutynyň talyby.