Gollandiýaly innowasiýa kompaniýasy ýapyk ýerlerde mikroblaryň 98%-ini ýok edip bilýän ultramelewşe şöhläni döredendiklerini habar berdi. Kompaniýa bu oýlap tapyşy “pandemiýanyň gaýtalanmazlygy üçin” öndürendigini aýtdy.

Düýbi Rotterdamda ýerleşýän “Studio Roosegaarde” innowasiýa şereketi “Urban Sun” atly ultramelewşe şöhläni döredendiklerini habar berdi. Gollandiýaly kompaniýa adaty ultramelewşe şöhlesinden düýpgöter tapawutlanýan bu ýagtylygyň mikroblaryň 98% -ini ýok edýändigini mälim etdi. Ýönekeý çyra ýaly görünýän bu yşyk, oturdylan ýerinde 5 minut işlänsoň, şol sebitdäki mikroblary ýok edýär.

“Far-UVC” tehnologiýasyny ulanýan bu yşyk, başda jaýyň içinde döredilipdi. Soňra ýapyk ýerlerde ýygnaklary has ygtybarly geçirmek üçin döredilen ýagtylygyň garaşylýandan has täsirli bolandygy mälim edildi. Gözlegçiler,  öz beýannamalarynda häzirki wagtda açyk howada ulanyp boljak bu ýagtylygyň üstünde işleýändiklerini mälim etdiler.

Taslamanyň üstünde işleýän alymlar bu ýagtylygyň geljekde başga bir wirus sebäpli ýüze çykyp biljek pandemiýa garşy ulanylyp bilinjekdigini öňe sürýärler.

Altynaý REJEPOWA,

Döwletmämmet Azady adyndaky
Türkmen milli dünýä dilleri
institutynyň talyby.