Şu ýylyň ýanwar aýynda göz öňünde tutulan 177 müň tonna ýük daşamagyň deregine, 186 müň tonna ýük daşap, meýilnamany 105 göterimden gowrak ýerine ýetiren «Maryawtoulag» önümçilik birleşiginiň zähmetsöýer işçileri Arkadag Serdarly bagtyýar ýaşlar ýylynyň her gününi uly üstünliklere besleýärler. Bu görkeziji, 2022-nji ýylyň degişli döwri bilen deňeşdirilende, şu ýyl 27 müň tonna ýüküň artyk daşalandygyny görkezýär.

Özleri üçin döredilip berilýän şertlerden, uly goldawlardan ruhlanyp zähmet çekýän önümçilik birleşiginiň sürüjileri ýük dolanyşygynyň meýilnamasyny-da 106 göterim ýerine ýetirmegiň hötdesinden geldiler. Önümçilik birleşiginiň tejribeli sürüjileri ýolagçylara hyzmat etmekde-de gaýratlylyk görkezdiler. Olar ýanwar aýynda meýilnamada göz öňünde tutulan 1 million 782 müň ýolagçynyň deregine, 1 million 853 müň ýolagçy gatnadyp, tabşyrygyň berjaý edilişini 104 göterimden geçirdiler. Ýolagçylaryň dolanyşygy babatdaky tabşyryk hem degişli döwürde 104,4 göterim ýerine ýetirildi.