Türkmenistanyň Senagatçylar we telekeçiler birleşmesiniň agzasy bolan «Gündogdy» hususy kärhanasy Balkan welaýatynyň Jebel şäherinde Halkara aeroportuň gurluşygyna girişdi. Belläp geçsek, bu hususy kärhana mundan öň Türkmenabadyň Halkara aeroportunyň, Kerki şäherindäki aeroportyň gurluşygyny amala aşyrdy.

Şunlukda, «Gündogdy» hususy kärhanasy tarapyndan Jebelde 275 gektar meýdanda ýolagçy we ýük terminallary, dispetçer punkty, halas ediş we ýangyşa garşy göreş gulluklarynyň binalary, 3200 metr uçuş-gonuş zolagy we 6 uçara hem-de 4 dikuçara niýetlenen duralga gurlar, golaýyndaky ýerler abadanlaşdyrlar. Netijede Balkan wealýatynyň bu aeroporty agramy çäklendirilmedik, kän ýükli we ýokary derejeli uçarlary kabul edip biler, bu bolsa täze awiakompaniýalary çekmäge we ýük tarifleri bilen işlemäge mümkinçilik berer. Şeýle hem Jebeldäki aeroport toplumy howa gämileriniň ähli görnüşini kabul etmäge mümkinçilik berýän ýerüsti enjamlar bilen üpjün ediler.

«Gündogdy» hususy kärhanasy Jebeldäki aeroprot toplumyny 2024-nji ýylda ulanmaga bermegi göz öňünde tutýar.