Ahal welaýaty
logo

Soňky täzelikler:
✦ Türkmenistanda CIET-2025 forumy geçiriler ✦ ✦ Ženewada bitaraplyk meselelerine bagyşlanan halkara forum geçirildi ✦ ✦ BMG-niň Baş Assambleýasy «Awaza syýasy Jarnamasy» atly Kararnamany kabul etdi ✦ ✦ «Mahmyt Kaşgarlynyň Diwany lugat at-türk atly eserinde parahatçylygyň we ynanyşmagyň orny» atly halkara ylmy maslahat geçirildi ✦ ✦ Daşkent şäherinde “Aşyk bolmuşam” kitabynyň tanyşdyrylyş dabarasy geçirildi ✦ ✦ Daşkentde “Magtymguly – dünýäniň akyldary we onuň pelsepesiniň häzirki döwürdäki ähmiýeti” atly maslahat geçirildi ✦ ✦ Himiýa boýunça halkara bäsleşikde türkmen talyplarynyň üstünligi ✦ ✦ Arkadag şäherine Ýewraziýa Patent Guramasynyň W.I. Blinnikow adyndaky altyn medaly gowşuryldy ✦ ✦ Daşary ýurt dillerini öwretmekde innowasion tehnologiýalaryň orny ✦ ✦ Türkmenabatda täze himiýa toplumynyň düýbüni tutmak dabarasy geçirildi ✦
Baş sahypa / Ylym we Bilim /Halkara Olimpiadanyň açylyş dabarasy geçirildi
  10.03.2025
1558
Halkara Olimpiadanyň açylyş dabarasy geçirildi

2025-nji ýylyň mart aýynyň 10-na Türkmenistanyň Döwlet energetika institutynda “Nazary mehanika” dersi boýunça IV​ Açyk halkara internet olimpiadasynyň açylyş dabarasy geçirildi. Halkara Olimpiadanyň açylyş dabarasy truwbaşdan ýokary ruhy galkynyşa eýe boldy. Onda diňlenilen çykyşlarda bellenilişi ýaly Berkarar döwletiň täze eýýamynyň Galkynyşy döwrüniň «Halkara parahatçylyk we ynanyşmak» ýylynda Gahryman Arkadagymyz tarapyndan başy başlanan hem-de Hormatly Prezidentimiz Arkadagly Gahryman Serdarymyz tarapyndan üstünlikli durmuşa geçirilýän Bilim özgertmeleri öz oňyn netijelerini berýär. Halkara derejesindäki bu olimpiada ýurdumyzyň ýokary okuw mekdepleriniň 22 -sinden​ talyp ýaşlaryň 184 -si, 17 daşary ýurt döwletleriň 85 sany ýokary okuw mekdeplerinden talyp ýaşlaryň 517 -si, umumylykda 107 ýokary okuw mekdebinden 700 -den gowrak talyp ýaşlar gatnaşýar. Halkara internet olimpiada Türkmenistanyň sanly bilim ulgamynda gazanan netijelerini, ýaşlaryň innowasion tehnologiýalaryny ulanmakda ukyp başarnyklaryny görkezýär, şeýle hem Milli ykdysadyýetiň durnukly ösýän şertlerinde bilim tehnologiýalaryny netijeli ulanmaga, zehinli talyp ýaşlary ýüze çykarmaga ýardam berýär. Halkara internet olimpiadasy 5 gün dowam edip, talyp ýaşlar şahsy we toparlaýyn görnüşinde bäsleşerler. Üstünlikli geçiriljek olimpiada gatnaşan talyp ýaşlar ýurdumyzda häzirki zamanyň ösen talaplaryna laýyklykda okamaga, öwrenmäge, döretmäge hem-de şeýle bäsleşiklere gatnaşmaga döredilýän ähli mümkinçilikler üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtdylar.

 

Çeşme: Türkmenistanyň Bilim ministrligi