«Türkmenhaly» döwlet birleşiginiň Gyzylarbat çeper halyçylyk kärhanasynyň öz işine ussat gelin-gyzlary «Halkyň Arkadagly zamanasy» ýylyny ajaýyp zähmet üstünliklerine besläp, öwgä mynasyp iş bitirdiler. Olaryň geçen ýylda dokan dürli ölçegdäki haly önümleriniň umumy meýdany 2 müň 726 inedördül metre barabar bolup, meýilnama 120 göterim amal edildi. Hasabat döwründe bu öňdebaryjy kärhanada pul hasabynda bitirilen işleriň möçberi bolsa 5 million 184 müň manatlykdan hem geçdi. Netijede, bu görkeziji boýunça bellenilen tabşyryk 828 müň manatlyga golaý artyk ýerine ýetirildi.

Bu ýerde işleýän halyçylaryň ýaryna barabary ýaş gelin-gyzlardyr. Olar «Arkadag Serdarly bagtyýar ýaşlar ýyly» diýlip yglan edilen 2023-nji ýyly hem ýokary önümçilik görkezijilerine beslemegi maksat edinýärler.