Gökdepe etrabynyň Owadandepe geňeşliginiň çäginde ýerleşýän «Türkmendemirönümleri» kärhanasy şu ýylyň ýanwar — iýul aýlarynda ýokary iş görkezijilerine eýe boldy. Has dogrusy, kärhanada şu ýylyň geçen ýedi aýynda 191 million 840 müň manatlykdan gowrak dürli ölçegdäki, ýokary hilli demir önümleri öndürildi.

Bu görkeziji kärhanada önüm öndürmekde geçen ýylyň degişli döwri bilen deňeşdirilende, 172 göterimden gowrak ösüşiň gazanylandygyny aňladýar. Bu ýerde öndürilen önümleri şertnamalar esasynda ýurdumyzyň çäklerinde giň möçberde alnyp barylýan gurluşyklara wagtynda, bökdençsiz ugratmakda hem aýratyn tagallalar edildi.