Arkadag Serdarly bagtyýar ýaşlar ýylyny guwandyryjy üstünliklere beslemegi belent maksat tutunan Gökdepäniň gön zawodynyň işçi-hünärmenleriniň işleri ilerleýär. Munuň şeýledigine kärhanada ýylyň ilkinji aýynda gazanylan önümçilik görkezijileri hem şaýatlyk edýär. Üstümizdäki ýylyň ýanwar aýynda kärhanada bahasy 1 million 176 müň manatdan gowrak iş edilip, geçen ýylyň degişli döwri bilen deňeşdirilende, bu babatda 117,9 göterim ösüş depgini üpjün edildi.

Işine ussat hünärmenleriň onlarçasynyň zähmet çekýän ýeri bolan bu kärhananyň önümçilik bölümleri gön önümçiligi boýunça kämil enjamlar bilen enjamlaşdyrylandyr. Ýylyň ilkinji aýynda kärhananyň işçi-hünärmenleriniň tagallalary bilen dürli görnüşdäki we ölçegdäki, ekologik taýdan arassa gön önümleri taýýarlandy. Bu önümlere hususy pudagyň wekilleri tarapyndan uly isleg bildirildi.