Ahal welaýaty
logo

Soňky täzelikler:
✦ “Sagdyn nesil — arassa ekologiýa” atly medeni çäre geçirildi ✦ ✦ Aşgabatda metbugat sowatlylygy boýunça okuw çäresi geçirildi ✦ ✦ Awaza 2025: Ýokary derejeli forumlar ✦ ✦ Türkmen Programmisti ABŞ-da Baş Baýragynyň eýesi boldy ✦ ✦ ÝHHG-niň Aşgabatdaky merkezinde metbugat sowatlylygy boýunça okuw çäresi geçirildi. ✦ ✦ LLDC3 программа способствует получению необходимой информации ✦ ✦ LLDC3 programmasy zerur maglumatlara ýardam berer ✦ ✦ "Dalaşgär-2025" interaktiw platforma işe girizildi ✦ ✦ Zenan mugallymlaryň we talyplaryň döredijilik sergisi geçirildi ✦ ✦ Dalaşgärler üçin açyk we sanly maglumat portaly işe girizildi ✦
Baş sahypa / Ykdysadyýet /Geçen aýda Türkmenistanyň banklary tarapyndan 27835 sany bank karty resmileşdirildi
  07.12.2022
831
Geçen aýda Türkmenistanyň banklary tarapyndan 27835 sany bank karty resmileşdirildi

Türkmenistanyň banklary tarapyndan geçen aýda 27835 sany bank karty resmileşdirildi. Ýurtdaky banklar tarapyndan resmileşdirilen töleg kartlarynyň möçberi 1-nji dekabr ýagdaýyna görä, 5 million 142 müň 815-e barabar boldy. Bu barada, Türkmenistanyň Merkezi banky belläp geçýär.

Türkmenistanyň ilatynyň iň köp ulanýan bank kartlary «Daýhanbank» we «Türkmenistan» döwlet täjirçilik banklary tarapyndan resmileşdirildi. Bu iki bankyň şu döwre çenli degişlilikde 1 million 849 müň 622 sanysy we 999 müň 329-sy resmileşdirildi. 1-nji dekabra çenli iň köp bank kartlary, has dogrusy, 1 million 767 müň 164 sany bank karty Aşgabat şäherindäki, 915 müň 941 sanysy Mary welaýatyndaky banklar tarapyndan resmileşdirilip ulanyşa goýberildi.

Şeýle hem 1-nji dekabr ýagdaýyna görä, ýurtda jemi 2148 sany bankomat hereket edýär. Şonuň iň köp bölegi, has takygy, 454 sanysy Aşgabat şäherinde, 446 sanysy Mary welaýatynda we 441 sanysy hem Lebap welaýatynda hereket edýär. Dekabr aýyna çenli ýurdumyzyň banklary tarapyndan 922 müň 110 müşderi «Internet bank», 59 müň 421 müşderi hem «Mobil bank» hyzmatyna birikdirildi.