Ahal welaýaty
logo

Soňky täzelikler:
✦ Ylmy-amaly maslahatda ekologiýa meseleleri ara alnyp maslahatlaşyldy ✦ ✦ Türkmenistanyň futbol boýunça (U17) ýygyndy topary Daşkentde geçirilen CAFA 2025-de bürünç medala mynasyp boldular ✦ ✦ “Oguz türkmenleriniň geçmişi, şu güni we geljegi” atly halkara ylmy simpozium geçirildi ✦ ✦ Täze çagalar we ýetginjekler merkeziniň düýbi tutuldy ✦ ✦ Paýtagtymyzda Ýewropa güni mynasybetli «Parahatçylyk we ynanyşmak marafonyny» geçirildi ✦ ✦ 1-nji iýun — Çagalary goramagyň halkara güni ✦ ✦ Ylym-bilim ulgamyndaky halkara tejribeler ✦ ✦ Suratkeşiň döredijilik ylhamy ✦ ✦ Sarahs etraby 48 müň 100 tonna bugdaý hasylyny almagy maksat edinýär ✦ ✦ Nebitgaz pudagy — ykdysadyýetiň möhüm ugry ✦
Baş sahypa / Ylym we Bilim /Gazagystanda 3 müňden gowrak türkmen talyby bilim alýar
  17.03.2024
321
Gazagystanda 3 müňden gowrak türkmen talyby bilim alýar

Türkmenistanyň Gazagystan Respublikasyndaky Adatdan daşary we Doly ygtyýarly ilçisi Gazagystanyň “Kazinform” resmi habarlar gullugynyň habarçysy Danira Iskakowa bilen söhbetdeş boldy. Bu söhbetdeşligiň barşynda türkmen ilçisi Türkmenistan bilen Gazagystanyň arasynda syýasy, söwda-ykdysady hem-de medeni ynsanperwer gatnaşyklary barada gürrüň berdi.

 

Türkmenistanyň ilçisi Türkmenistan bilen Gazagystanyň arasynda medeni-ynsanperwer ulgamda, hususan-da, bilim, ylym, medeniýet we döredijilik alyş-çalşyklary babarda ikitaraplaýyn hyzmatdaşlygyň okgunly ösýändigini belledi.

 

– iki ýurduň ylym jemgyýetçiliginiň arasynda göni gatnaşyklar ýola goýuldy. Türkmenistan bilen Gazagystanyň ýokayr okuw mekdepleriniň gatnaşyklary işjeňleşdirilýär. Türkmen ýaşlary üçin Gazagystan Respublikasy bilim almak üçin iň gowy ýurtlaryň biri boldy. Häzirki wagtda Gazagystanyň ýokary okuw mekdeplerinde 3 müňden gowrak türkmen talyby bilim alýar – diýip, ilçi söhbetdeşlikde belläp geçdi.

 

Ilçi Türkmenistanda hem dürli ýyllaryň dowamynda daşary ýurtlardan köp sanly talyplaryň bilim alyp, öz ýurdunyň ykdysady pudaklarynda zähmet çekýändigini belledi. Türkmenistan özüniň ýokayr okuw mekdeplerinde daşary ýurt talyplaryny kabul etmäge hemişe taýýardygyny bellän ilçi Türkmenistanyň ýokary okuw mekdepleriniň maddy-enjamlaýyn binýadygynyň örän gowudygyny, şeýle hem köp sanly uniwersitetlerdir institutlaryň agramly böleginiň garaşsyzlyk ýyllarynda gurlup, öňdebayrjy enjamlar bilen enjamlaşdyrylandygyny mälim etdi.

 

Bu ugurda goňşy Owganystan bilen oňat tejribäniň gazanylandygy, Türkmenistanyň owgan talyplaryna bilim almak üçin mümkinçilikleriň, hususan-da olara mugt tehniki bilim, ýaşaýyş jaýy hem-de talyp haky bilen üpjün edýändigini aýtdy.

 

Aýnäzik HYDYROWA,

Döwletmämmet Azady adyndaky
Türkmen milli dünýä dilleri
institutynyň talyby.