Şu ýylyň 8 aýynda Gazagystan Türkmenistana un eksportyny pul nukdaýnazaryndan, takmynan, 2 esse ýokarlandyrdy. Bu barada Gazagystanyň Söwda we integrasiýa ministrligi habar berýär.

2022-nji ýylyň ýanwar-awgust aýlary boýunça Gazagystan 1,08 million tonna un eksport etdi. Şunuň bilen birlikde bu önümiň ortaça eksport bahasy hem 273 dollardan 392 dollara çenli ýokarlandy.

Degişli döwürde Gazagystandan - Türkmenistana 27,72 müň tonna gazak uny (11,07 million dollarlyk) eksport edildi. Bu görkezijiler geçen ýylyň degişli döwründe 18,6 müň tonna we 6,33 million dollara barabardyr. Şol bir wagtyň özünde, Türkmenistana bir tonna unuň ortaça eksport bahasy 399 dollar boldy.