Bu dünýäni gözel görke getirýän,
Ezizim, ýoluňa gurban bolaýyn!
Bagt berip sen, başym göge ýetirýäň,
Asmanyňda gaýan durnaň bolaýyn!

Aý astynda göwnüm yşga galadyň,
Görmesem ýüregim ahy-naladyr,
Diňe saňa bagly mundan galany,
Yşgyň hamyryna urbaň bolaýyn!

Gözlerime baksaň ümüş-tamyşda,
Demim degse galdyraýaň gamyş deý,
Seniň bilen bolsun saçlam kümüş deý,
Barça dertleriňe derman bolaýyn!

Sen süňňüme gyzgyn berýän ojarym,
Biz diýmeklik, diýmek eken hojalyk,
Bile döwran sürüp, bile gojalyp,
Ömrüňi süýjetjek hurmaň bolaýyn!

Söýgi şalygynda dörän şa gyz sen,
Ýanymda bolmasaň kä gyş, kä güýz men,
Men bir syýa, çaň degmedik kagyz sen,
Yşga ugradylan perman bolaýyn!