3-4-nji maý aralygynda Aşgabatda «Halkara ulag we üstaşyr geçelgeler: özara baglanyşyk we ösüş» (ITTC 2023) atly ikinji halkara maslahat we sergi geçiriler. Bu halkara maslahata we sergä gatnaşmak üçin «SpaceX», «Alibaba» we «Boeing» ýaly kompaniýalaryň wekilleri hem hasaba alyndy.

«ITTC 2023» atly ikinji halkara maslahata we sergä gatnaşyjylaryň hataryna «Vitol», «Meno Logistics», «Dragon Oil», «Fly Dubai», «Airbus», «Toyota», «Lenovo», «Hyundai», «General Electric», «Car Deluxe», «Bureau Veritas Marine Kazakstan LLP», «Russian Railways» ýaly öňdebaryjy halkara kompaniýalaryň wekilleri, Halkara howa ulagy assosiasiýasy (IATA), Halkara gämi palatasy (ICS), Awtomobil ulaglarynyň halkara birleşmesi (IRU) we USAID Merkezi Aziýa guramasy girýär.

Bellenilişi ýaly maslahata gatnaşmak üçin dünýäniň 40 ýurdundan 500-den gowrak wekiliýet hasaba alyndy.

Ýeri gelende belläp geçsek, «ITTC 2023» halkara maslahaty Türkmenistanyň Ministrler Kabinetiniň ýanyndaky Ulag we kommunikasiýalar agentligi bilen «Turkmen Forum» hojalyk jemgyýetiniň hyzmatdaşlygynda gurnalýar.

Halkara maslahata gatnaşyjy içerki we daşary ýurtly hünärmenler ulag we logistika pudagynda häzirki zaman tehnologiki çözgütleri hödürlärler, şeýle hem Aşgabat halkara howa menziline, Türkmenawtobana, Türkmenbaşy halkara deňiz portuna baryp görerler. 

Aýjeren MYRADOWA,

Türkmen döwlet binagärlik-gurluşyk
institutynyň talyby.