Ýakynda asylly däbe görä, hormatly ýaşulular “Çäjiňe bereket” diýen hoşniýetli sözler bilen galla oraga başladylar. Tejen etraby boýunça 42 müňden gowrak meýdana bugdaýyň  “Batko”, “Kalym” we “Bagrat” ýaly ýokary hasylly görnüşleri ekildi. Tejen etraby boýunça galla oragy möwsüminde daşary ýurtlarda öndürilen kuwwatly “CLAAS”, “Jonh Deere” ýaly ýokary öndürijilikli galla ýygnaýan kombaýnlary işledilýär. Bu işler iki çalşykda, gije-gündüziň dowamynda alnyp barylmagy, galla hasylynyň ýitgisiz ýygnap almaga ýardam berer.

Tejen etrabynyň edermen gallaçylary ýetişdirilen bereketli bugdaý hasylyny gysga wagtda, zaýasyz ýygnap almak üçin yhlas bilen zähmet çekýärler. Galla oragynyň depginini ýokarlandyrmak, daýhan yhlasy bilen ýetişdirilen guşgursak ak bugdaýy çalt, ýitgisiz ýygnamak we kabul ediş nokatlaryna daşamak ýaly asylly işe gatnaşyjylar zähmet üstünliklerine galkyndyrýar.

 Gallaçylar häzirki günlerde yhlasly zähmeti ildeşlereimiziň saçagyna rysgal-bereket bolup dolar. Bu hakykata oňat düşünýän etrabyň edermen gallaçylary bugdaýyň ýekeje dänesini hem isrip etmän ýygnamagy we Garaşsyzlygymyzyň şanly 30 ýyllyk baýramyna zähmet sowgatly hyjuwy bilen iş depginde barha ýokarlandyrýar.