Ýurdumyzyň Daşoguz welaýatynda ýazlyk sogan ekişi martyň birinji ýarymynda üstünlikli tamamlandy. Ekiş ýokary derejede guramaçylykly ýagdaýda geçirildi. Bu ýyl welaýatda öten ýylkydan iki esse diýen ýaly uly meýdana sogan ekildi. Ekiş üçin ösen kök ulgamy dürli howa şertlerine durnukly bolmaga mümkinçilik berýän, ýerli howa şertlerinde we bu ýere mahsus toprakda ösüp ýetişmäge gowy uýgunlaşan dürli seçime degişli düýp sogan sortlary ulanyldy.

Welaýatyň Gurbansoltan eje we Nyýazow adyndaky etraplarynda sogan ekmek üçin iň uly meýdanlar bölünip berildi. Bu etraplarda degişlilikde 550 (bäş ýüz elli) we 490 (dört ýüz togsan) gektara ekildi.

Belläp geçsek, Daşoguz welaýatynyň beýleki etraplarynda-da sogan önümçilgi esli artdy. Welaýatda her ýyl güýzlük sogan ekişi-de geçirilýär, soňky ýyllarda bolsa bu ýerde gyşlyk sogany ösdürip ýetişdirmek-de üstünlikli durmuşa geçirilýär.