Ýaňy ýakynda Dana bilim merkeziniň Türkmenbaşy şahamçasynda Himiýa hepdeligi geçirildi. Hepdelik diýseň gyzykly we täsirli geçdi. Himiýa hepdeliginde okuwçylar öz aralarynda tejribe işlerini geçirdiler. Bu bolsa hepdelige gatnaşan okuwçylarda we ene-atalarda uly täsir galdyrdy. Hepdelige gatnaşan lukmanlar okuwçylara geljekde lukmançylyk ylmynda alyp barjak işlerinde uly üstünlikleri arzuw etdiler.

Ýeri gelende bellesek, Dana bilim merkeziniň Türkmenbaşy şahamçasynyň Himiýa bölümini tamamlan okuwçylar ýurdumyzda ýerleşýän Türkmenistanyň Döwlet lukmançylyk uniwersitetinde, Magtymguly adyndaky Türkmen Döwlet uniwersitetiniň Himiýa fakultetinde, galyberse-de daşary ýurtlardaky Lukmançylyk institutlarynda talyp bolup okaýarlar.