Balkanabat döwlet elektrik stansiýasynda şu ýylyň geçen hasabat döwründe 1 milliard 610 million kilowat-sagada derek, 1 milliard 718 million kilowat-sagada golaý elektrik energiýasy öndürilip, meýilnama 106 göterim berjaý edildi. Şunda geçen ýylyň degişli döwri bilen deňeşdirilende 318,5 million kilowat-sagada barabar elektrik energiýasynyň artyk öndürilendigi hem aýratyn nygtalmaga mynasypdyr. Munuň özi geçen ýylyň degişli döwri bilen deňeşdirilende, bu ýerde önümçiligiň ösüş depgininiň 122 göterim ýokarlanandygyndan habar berýär.