Ahal welaýatynyň Bäherden etrabynda güýzlük däne ekilen meýdanlara ideg etmek işleri sazlaşykly alnyp barylýar. Häzirki wagtda etrabyň daýhan birleşikleri boýunça şu ýylyň hasyly üçin 19 müň 300 gektarda däne ýetişdirilýär. Maýsaly meýdanlarda degişli ösüş suwlary tutmak, organiki we mineral dökünler bilen iýmitlendirmek, zyýankeşlere garşy göreşmek ýaly çäreler agrotehnikanyň kadalaryna laýyk derejede ýerine ýetirilýär.

Etrabyň Şaja Batyrow, S.A.Nyýazow adyndaky, «Zähmet» daýhan birleşikleriniň gallaçy-kärendeçileri agrotehniki çäreleri göwnejaý alyp barmakda has yhlasly işleýärler.