Golaýda, Türkmenistanyň Senagatçylar we telekeçiler birleşmesiniň (TSTB) agzasy bolan «Akar» hususy kärhanasy jorap önümleriniň 350 müň jübütini Russiýa eksport etdi. Kärhanada her aý dürli görnüşli joraplaryň jemi 500 müň jübüti öndürilýär.

Kärhanada Italiýanyň öňdebaryjy tehnologiýalary ornaşdyrylan. Bu bolsa kärhanada ýokary hilli, ekologiýa taýdan arassa, dünýä ülňülerine laýyk gelýän joraplaryň dürli görnüşlerini öndürmäge mümkinçilik berýär.

«Akar» hususy kärhanasy 2018-nji ýylda işe girizilip, onda 100-e golaý hünärmen zähmet çekýär.