Ak bugdaý etrabynda ýüpek gurçuklaryny idetmek möwsümine aýratyn ähmiýet berilýär. Etrabyň ýüpekçi kärendeçileri «Halkyň Arkadagly zamanasy» ýylynda 40 tonna ýokary hilli piläni taýýarlamagy maksat edinýärler. Munuň üçin ýüpekçi kärendeçiler bu jogapkärli möwsüme irgözinden ykjam taýýarlyk gördüler. Kärendeçiler gurçuk idediljek jaýlary bu işe degişli talaplara laýyklykda taýýarlamaga girişdiler. Jaýlary oňat dermanlap, arassa ýagdaýa getirdiler.

Möwsümiň öňýanynda ýörite hünärmenler ýerlerde bolup, ýüpekçi kärendeçiler bilen duşuşdylar, gurçuk idediljek jaýlarda döredilýän şertler bilen tanyşdylar, ýüpekçilere degerli maslahatlaryny berdiler.