Ýurdymyzyň  bagtyýarlygyndan, jebisliginden, asudalygyndan eşret tapan türkmen  halky elmydama bagytly durmuşda ýaşaýar. Häzirki  wagtda bahar paslynyň gelmegi bilen ýurdymyzyň ähli künjeklerinde gowaça ekiş döwri dowam edýar. Mele toprakly ekin meýdanlary zähmetkeş  babadaýhanlarymyzyň kalbyny joşa getirip, has-da öndürijilikli işlemäge ruhlandyrýar. Çünki “Ak altyn-ak bagtymyza” deňelýär. Mehanizatorlarymyz kuwwatly tehnikanyň güýjinden netijeli peýdalanýarlar. Ynha şu ajaýyp başlangyçlardan ugur alyp hem Ahal welaýat häkimligi tarapyndan Ahal welaýatynyň Ak bugdaý etrabynyň M.Sopyýew adyndaky oba hojalyk paýdarlar jemgyýetiniň çägine degişli bolan ekin meýdanynda Hormatly Prezidentimiziň ak pata bermegi bilen, ýaşuly nesilleriň wekilleriniň gatnaşmaklarynda gowaça ekişine ak pata berildi. Gowaça ekişiniň geçiriljek ýerinde halkymyzyň milliligine has-da uly üns berlipdir. Türkmeniň milli ak öýleriniň gurulmagy, birnäçe milli sergileriň gurnalmagy dabaranyň has-da milliligini artdyrdy. Şeýle-de, oba hojalyk ulgamyna degişli bolan birnäçe önümleriň sergisi gurnaldy. Ahal welaýaty boýunça bu günki geçirilen gowaça ekişine ýaşuly nesillerimiziň wekilleriniň  gatnaşmaklary bu geçirilen çärä aýratyn bir millilik ruhuny çaýdy. Medeniýet we sungat ussatlarynyň ýerine ýetiren hoş owazly aýdym sazlary dabara gatnaşyjylara ruhy-lezzet paýlady. Bu bolsa elbetde mehanizatorlaryň, edermen babadaýhanlarymyzyň öz halal  zähmetlerine bolan höweslerini has-da artdyrdy.

Ýurdymyzyň oba hojalygy ugrunda irginsiz aladalar edýän  Hormatly Prezidentimiziň jany sag, belent başy aman, il ýurt bähbitli tutumly işleri hemişe rowaçlyklara beslensin!