2-nji sentýabrda Türkmenistanyň Prezidentiniň ak patasy bilen Ahally daýhanlar güýzlük däne ekişine girişdiler. Welaýatyň edermen gallaçylary geljek ýylyň hasyly üçin 195 müň gektar meýdanda däne ekip, şol ýerden 400 müň tonna guşgursak ak bugdaýy almagy maksat edinýärler.

Häzirki wagtda welaýat boýunça ekijileriň 412-siniň hyzmatyndan netijeli peýdalanylýar. Şu ýyl ekin meýdanlarynda bugdaýyň «Miras», «Kalym», «Alekseýç», «Batko», «Bezostaýa — 100», «Ýuka», «Bagrat», «Sähraýy», «Irişka», «Berkarar», «Garaşsyzlyk», «Bagtyýarlyk» ýaly ýokary hasylly görnüşleri ekiler.