Ahal welaýat, etrap merkezi kitaphanalarynyň we kitaphana şahamçalarynyň kitap gaznalarynyň üsti täze neşirler bilen ýetirildi. Köpçülikleýin gelip gowşan täze neşirleriň arasynda türkmen halkynyň Milli Lideri Gurbanguly Berdimuhamedowyň «Ömrümiň manysynyň dowamaty» atly kitabynyň, «Ösüşiň täze belentliklerine tarap» atly saýlanan eseriniň 15-nji tomunyň, «Beýik özgertmeleriň ýyl ýazgysy» neşiriniň 15-nji goýberilişiniň, şeýle-de «Arkadag şäheri — geljegiň şäheri» atly kitabyň bolmagy has-da guwandyrýar.

Kitaphana işgärleridir okyjylary döwürdeş ýazyjy-şahyrlaryň hem täze neşirlerini sowgat aldylar. Okyjylarda uly gyzyklanma döredýän şeýle ajaýyp, gymmatly neşirler bitewi elektron kitaphana ulgamynyň elektron katalogyna ýüklenilmegi ildeşlerimize sanly ulgam arkaly maglumat almaga giň mümkinçilik döredýär.