Ulanyjylara hiç hili gijikmesiz ýokary tizlikli internet hödürleýän «5G» tehnologiýasy soňky ýyllarda smartfonlarda hem peýda boldy. Köp ýurt entek bu tehnologiýa taýyn däl bolsa-da, käbir ýurtlar eýýäm «5G» infrastrukturasyny döretdiler, synag etdiler we ulanyp başladylar.

«Ericsson» tarapyndan berlen täze hasabata görä, ýylyň ahyryna çenli tutuş dünýäde 1 milliarddan gowrak adam «5G» bilen internete biriger. Bu görkeziji, 2022-nji ýylda 5 milliard töweregi ulanyja elýeter bolan «4G»-den gaty yzda.

Hasabata görä, 2028-nji ýyla çenli «5G» ulanýanlaryň sanynyň 5 milliarda ýetmegine garaşylýar. Bu bolsa ähli internet ulanyjylarynyň 55 göterimini emele getirýär.