Ahal welaýaty
logo

Soňky täzelikler:
✦ Awaza 2025: Tematiki sergiler geçiriler ✦ ✦ Saglygy goraýyş, bilim we sport boýunça halkara sergisi geçiriler ✦ ✦ Türkmen-horwat bilelikdäki ykdysady forumy geçiriler ✦ ✦ «Awaza» halkara forumyna giň gerimli taýýarlyk işleri dowam edýär ✦ ✦ Türkmenistan bilen Ruanda Respublikasynyň arasynda diplomatik gatnaşyklar ýola goýuldy ✦ ✦ LLDC3 maslahatyna taýýarlyk işleri görülýär ✦ ✦ Awazada geçiriljek LLDC3 forumyna 30-dan gowrak döwlet Baştutany gatnaşar ✦ ✦ Däne hasylynyň ätiýaçlygy pugtalandyrylýar ✦ ✦ Ekologiýa Hereketinden Çagalar Üçin Medeniýet we Bilim Bileleşmesi ✦ ✦ Türkmen diplomatiýasynyň möhüm ugurlary boýunça okuw merkeziniň şahadatnamalary gowşuryldy ✦
Baş sahypa / Ylym we Bilim /22-nji noýabrda «Parahatçylygyň ýaş çaparlary» bäsleşiginiň birinji oýuny geçiriler
  03.11.2022
958
22-nji noýabrda «Parahatçylygyň ýaş çaparlary» bäsleşiginiň birinji oýuny geçiriler

Şu ýylyň 22-nji noýabrynda Türkmenistanyň ýokary synp okuwçylarynyň arasynda geçirilýän «Parahatçylygyň ýaş çaparlary» akyl-paýhas bäsleşiginiň 2022-2023-nji okuw ýylyndaky ikinji möwsüminiň birinji oýny geçiriler. Taslamanyň täze möwsümi «Dialog ̶ parahatçylygyň kepili: gadymy eýýamyň diplomatik mirasynda parahatçylyk medeniýeti» umumy şygar bilen geçiriler. «Gadymy Marguşdan Parfiýa çenli: parahatçylyk sungatynyň siwilizasion ýörelgeleri» ýaş zehinleriň birinji oýnunyň temasy bolar.

Geljekki oýnuň temasyna laýyklykda bäsleşigiň guramaçylary zerur edebiýatlaryň sanawyny düzdüler we oňa gatnaşjaklara olar bilen tanyşmagy maslahat berýärler.

24-nji oktýabrda taslamanyň ikinji möwsümine gatnaşmak isleýänler üçin onlaýn-test görnüşinde deslapky saýlama synaglary geçirildi. Oňa tutuş ýurdumyzdan geljekde diplomat bolmagy arzuw edýän ýokary synp okuwçylarynyň 300-den gowragy gatnaşdy. Olardan test synaglarynyň netijesi boýunça has gowy netije görkezenleriniň 64-si aň-paýhas bäsleşigine gatnaşmaga hukuk gazandylar.

Taslamanyň birinji möwsüminiň ýeňijileri şu okuw ýylynda ýurdumyzyň DIM-niň HGI-niň talyby boldular. Olar bäsleşikde gowy çykyş etdiler we instituta giriş synaglaryny üstünlikli tabşyrdylar, dürli ugurlardan çuňňur bilimlerini, diplomata mahsus häsiýetlerini we başarnygyny görkezdiler.